我不褸都唔寫時事嘢，但見康文署最近嘅做法就把忍火

究竟有無盡力搶救吖！ 古樹買多見少，康文署話2棵刺桐樹唔係古樹，就拿拿聲砍咗佢，古樹係用時間累積而成、唔係一生出嚟就係古樹架！超低能

近工返到勁無引，成日都諗中六合彩退休~

諗無用架﹗去投注站入紙先~~

應承咗啲姨甥帶佢哋去釣魚，就近近哋帶佢哋去烏溪沙碼頭玩，勁晒~~去到發覺都好多人喺度釣魚喎﹗但唔知係咪N年無釣過魚關係...釣白果。下次都係自己去好啲，起碼唔洗不停綁鈎、綁蟲....

老闆要做大project，我要做資料大收集，寫字樓啲嘢又要做、寫字樓外啲嘢又要幫手、仲話要教新人，我自己屋企裝修都未得閑理過。

我願做，但我唔係萬能。

由於多雀斑又怕曬，無游水好耐。其實我覺得唔游水唔係咁緊要，我最頂唔順係對光管腳(係白光唔係黃光)。今日终於的起心肝，買支2號黑鬼油去船P曬鍋勁。但由於n年無曬太陽關係，啲皮膚曬唔黑，但就極紅&極痛，下半身好似俾人打瘀咗咁~~~痛到爆。

個厠所漏水，搞到間屋周圍係水，而重災區係我間房，好在孫燕姿海報無事咋~唔係就......

搬房完、搬廳、封電器，由夜晚7點執到夜晚9點半，跟住urgent返工返到零晨3點；由朝早10點執到夜晚10點半，跟住寫report寫到12點<<<<超累X20

依幾日好似...件褲未乾過

琴日返工行旺角2粒鐘，琴晚放工跑步，

今日返工行旺角、深水埗5粒鐘，放工蹅單車2粒鐘~

老闆:大丙
地點:旺角雅蘭-譚魚頭
湯底：沙爹鍋 & 純天然魚頭湯鍋
配料：魚腐、美國肥牛、魚皮餃拼韭菜餃、竹笙、蝦丸拼墨魚丸、生根、水晶奶皇包、炸技竹、花枝片、雪花蚌、擔擔麵、油麥菜、菜心苗

p.s.我同大丙都睇錯：以為星期五有$128任食，傻吓~傻吓~等到2100hrs.至知無

前晚一行十人Farewell 亞Ben，去咗旺角Neway卡拉ok。怡尾喺sms短訊度仲叫我哋「準時出席」依4個字一啲都唔出奇，奇就奇在出自怡尾打口~~

我哋n年無去卡拉ok，乜歌都唔識唱，木紋都話新，唔識唱。怡尾仲要我陪佢唱孫燕姿嘅歌，我同佢講：「偶像啲唱唔到架，搵果第2隻啦！」攪攪吓啲歌未變哂楊千嬅、古巨基、陳亦信囉~~

話Farewell 亞Ben就謹係要飲酒啦！我哋除咗玩骰盅外，亞玲仲提議猜低能大眾妹....跟住怡尾見大家一返常態咁低能，提議玩砰‧彭‧嘩「蒙羅麗沙」、「芭蕉樹」、「鐵鉤船長」，笑爆~~怡尾俾我哋玩到淨係識扮「蒙羅麗沙」笑爆~~

搞到今日返工...喉嚨痛

正一羚羊#@xy，邊有人咁黑人憎架！

我成日問自己，究竟我可以忍幾耐！

究竟.............

亞Ben擺結婚酒(都唔知結咗幾耐)，見到一啲n年無見嘅中學&朋友，話題...影仔女相....

飲完之後同第日"唔洗返工嘅亞玲、思思"、"唔洗揪BB嘅亞英"、"難玩嘅怡尾"、要陪怡尾嘅亞榮"去飲嘢，是近來極難得&少見嘅活動。話題...多囉

去完美國返嚟，洗衫、執相；n日後就開始寫blog & nn日後就掛上flickr & 定位~~

 Hearst Castle(赫氏古堡)，由媒界鉅子威廉赫氏於1919年斥資億萬所興建嘅。

我覺得最靚係個泳池~~佢入面啲導遊，勁無乜禮貌！乜佢哋以為個古堡好巴閉咩？一般啫~

琴晚酒店職員話沒有行李寄存服務，我哋唯有攊齊哂所有行李去參加Yosemite National  Park 優山美地國家公園及2日團。點知落到大堂酒店經理話得喎~拿拿聲翻箱倒篋攊少少嘢就放底個喼，行去Union Square等車跟團。帶團嘅係前幾日去LA個果團時果個一般嘅導遊。架旅遊車好<<<<<<細！細到想爆嘈。成團人10個人，加埋導遊司機12個人，就坐係一架可以載14人嘅車度，唔爆嘈真係好好品。

一早起身食完酒店提供嘅免費早餐後，就去這個旅行團最後一處景點--Hollywood Walk Of Fame(星光大道)，原本米奇老鼠都有星星印喎！Chinese Theatre(中國戲院)十足十鬼屋咁。同靚靚影相時，突然間有條唔知扮乜嘅外國粉皮走到靚靚隔離做佈景，扮完佈景仲唔走，老屈靚靚US$1大蚊~~哈哈。行過奧斯卡頒獎典禮場地嘅Kodak Center(柯達劇院)，影一影俾煙霞圍住嘅Hollywood 山後，走入shop買咗3隻杯仔，就開始最後最後最充實嘅車程返三藩市。